مواقف محرجه في نفس والوقت مضحكه

تقول رحت أنا وأمي للصراف الآلي وكان وراهم أمريكي أسود ووراه وحده بعد ينطرون دورهم

اللي صار البنت كل ما دخلت البطاقة طلعت وتوترت من اللي وراها تبي تخلص

وأمها لاحظت عالامريكي كل شوي يطل عليهم

الأم خافت
تبي تنبه البنت بس بطريقة ما تلفت انتباهه أنها تخلص

قامت تصفق وتغني..يالله خلصي بسرعه هالأسود بيبوقنا ،،يالله خلصي بسرعه هالأسود بيبوقنا

البنت فهمت على أمها وخذت البطاقه والتفتت بتروح

رد عليهم الأمريكي وهو يصفق ويغني وقال: هالأسود كويتي..ويبي يساعدكم..البطاقه مقلوبه

ههههههههههههههههههههههه

الشغالـة

اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار وخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك

هههههههههههههههههههههههه

على رجليني

يوم كنا في الصف الأول الإبتدائي دخلت علينا المدّرسة وقالت : اللي تجي للمدرسة على رجلينها توقف .. ( انا مافهمت وش تقصد ) وقفت مع الواقفات فقالت لي المدرّسة : انت تجين على رجلينك .. قلت : ايه الحمدلله ماني معـوقــة ... قالت يعني تجين للمدرسة بالسيارة قلت : نعم .. فقالت : اجلسي يالذكية .. وجلست وسط ضحكات الطالبات

مسكينه هههههههههههه

بسرعة

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين ) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس

هههههههههههههه

ملطوش

ههههههههه والله كنت باموت من الضحك
شكرا

شكرا لكي

لا شكر على الواجب

» مواقف محرجه ماذا تفعل اذا كنت مكانهم
» السلام عليكم الموضوع مواقف محرجه **
» اصعب ست مواقف حصلت للبني ادم .
» قصه مضحكه
» نكت مضحكه