عموما دعونا نتخيل حوارا دار داخل هالسياره
"ا تتكون العائله من( أب و أم و ولد وبنت .. ما نبي نكثرهم علشان يكون فيه تركيز في الحوار
الأب : هاه ما قلتوا لي وين بتروحون ؟
الأم : و بعد بتشاورهم ؟! أنا قلت نروح لصحارى بلازا يعني صحارى بلازا ( سوق تجاري )
البنت : لا يمه ملينا منه .. كل شوي نروح له خلينا يمه نغير
الأب : شوفي يا بنت الحلال .. سوق مانحن برايحين .. تراني مليت .. راحت فلوسي على هالملابس و الخلاقين .
الولد : ( يصرخ ) يبه يبه
الأب : ( بغضب) خير ما تشوفني الحين أتكلم .ليه ما تصبر لين أخلص من كلامي.. وش تبي ؟
الولد : ليش ما تودينا للثمامة و نشوف اللي يطعسون و هناك فيه ايسكريم وشاورما و ببسي
الأب : أقول إنثبر يالله كلها تربان ..
الولد احسن مافيها التبربان
الأب : أقول.. إنطم بس إنطم
ينطم الولد و يسود الصمت لحظات
البنت : يمه يمه
الأم : خير وش عندك ؟
البنت : حميد وطى رجلي!!!!!!!!!!!!!!!!!!!!!!!!!!!!!!!
الأم : ترى يعلم الله يا حميد إذا ما صرت رجال إني لأعلم أبوك وش انت مسوي اليوم الظهر ؟
الأب : وش هو مسوي ؟
الأم : أقول وإلا بتووب
الأب : وش أنت مسوي .. طاق الشغالة ؟ إيه عارفك هذي عوايدك ؟
الأم : لا ذي ولا ذي .. إلا شايتن القطوة برجله إلين ماتت..
الأب : أشوى أحسبه قايل شي للشغاله ..... تمر سيارة و تحد الأب و تكاد تصدمه
الأب : تعال يابن الحلال قسم ما أخليها لك ، الله يـهدي من جابك
الأم : يا ابن الحلال تعوذ من الشيطان و اتركه يروح ولا تقلبنا
الأب : انتي اسكتي مالك دخل
الولد: يبه قرب جنبه علشان أصقعه بقارورة الموية اللي معي
الأب: أنحاش ابن الـحلال لكن يا هو فـور دمي
الأم : يا بن الحلال قايلتلك اتركه عنك و خلنا نروح للسوق ترانا تأخرنا
الأب: سوق لا ما نيب رايح .. لا تخليني أحلف أنك ما تطيبنه فهل حياة أبد
الأم : أعوذ بالله ما قلت لك شي وقلت إيه أعوذ بالله ( تلتفت بوجهها إلى الجهة الأخرى زعلانه يعني)
الولد : يبه
الأب : معصب وش تبي أنت بعد
الولد مشتهي همبرجر
الام وش همبرجر مشتهيه بروستد
الاب اقول اطبخي لنا رز ودجاج
الخميس فبراير 08, 2024 3:26 pm من طرف لجين
